«Yunistrim» orqali O‘zbekistonga pul o‘tkazmalari hajmi 37 foizga oshdi

2017 yil yakunlari bo‘yicha «Yunistrim» 224 mln rubl (taxminan 28,6 mlrd so‘m) miqdorida rekord darajada daromad ko‘rdi. Bankning sof foydasi o‘tgan yilga nisbatan 29 foizga o‘sdi va 2,1 milliard rublni tashkil qildi (taxminan 268 milliard so‘m). Bu haqda kompaniya saytida xabar berilgan.

Xalqaro to‘lov tizimi orqali yuborilgan pul o‘tkazmalari hajmi 2017 yilda 15 foizga o‘sib, 4,2 milliard dollarni tashkil etdi. MDH davlatlari va Gruziyaga pul o‘tkazmalari hajmi 19 foizga oshdi.

Eng ahamiyatli yo‘nalishlar orasida MDH va Gruziyaga transchegaraviy o‘tkazmalar bo‘yicha eng ko‘p o‘sish hajmi kuzatilgan: Armaniston (+24%), Belarus (+21%), Qirg‘iziston (+43%), O‘zbekiston (+37%), Gruziya (+31%).