Ispaniyalik tennischi Rafael Nadal «Rolan Garros» turniri finaliga chiqdi. Grunt kortlarda o‘tkazilayotgan turnirda birinchi raketka argentinalik raqibi Xuan-Martin del Potroga qarshi 3 set bahs olib borib, 6:4, 6:1, 6:2 hisoblarini qayd etdi. Bahs 2 soatu 14 daqiqa davom etgan.
Nadal 9 breyk-poyntdan 5tasini amalga oshirgan va 3 marta qo‘sh xatoga yo‘l qo‘ygan. Del Potro 2 eys zarbani amalga oshirgan, 1 marta to‘pni o‘yinga kiritishda xato qilgan va bir marta ham raqib geymini yuta olmagan.
Fransiya ochiq chempionati sovrini uchun bahsda Nadal turnirda yettinchi raqam ostida saralangan avstriyalik tennischi Dominik Timga qarshi kortga chiqadi.
