KXDR yetakchisi bilan selfi: Singapur vazirlari va Kim Chen In 

Singapur vazirlari ijtimoiy tarmoqlarda shahar bo‘ylab sayr qilayotgan Shimoliy Koreya yetakchisi bilan birga tushgan suratlarini joylashdi. 

Singapur ta'lim vaziri On ye Kun Facebook'dagi sahifasida "Ko‘rfaz yoqasidagi bog‘lar" parkida olingan selfisi bilan bo‘lishdi. Suratda Kim Chen In surat muallifi va Singapur TIV rahbari Vivian Balakrishnan o‘rtasida tasvirlangan. 

Balakrishnan ham o‘z akkauntida shunga o‘xshash suratni joylashtirgan.

12 iyun kuni Singapurda tarixdagi ilk AQSh va KXDR rasmiylari o‘rtasidagi sammit o‘tkazilishi rejalashtirilgan. Unda Amerika prezidenti Donald Tramp va Shimoliy Koreya yetakchisi Kim Chen In o‘rtasida uchrashuv bo‘lib o‘tadi.