O‘zbekiston Ukraina shakarini ko‘proq sotib ola boshladi

Ukraina Shakar ishlab chiqaruvchilar milliy assotsiatsiyasining ma'lumotlariga ko‘ra, may oyida O‘zbekiston, xuddi o‘tgan oylardagidek, Ukraina shakarining asosiy xaridoriga aylandi.

O‘zbekiston Ukrainadan qariyb 39 ming tonna shakar import qildi, bu ushbu mamlakat shakar eksportining 72 foizini tashkil qiladi. Masalan, aprel oyida 23 ming tonna shakar edi.

Shu tariqa, so‘nggi uch oy ichida O‘zbekiston Ukrainadan qariyb 80 ming tonna shakar sotib oldi. Taqqoslash uchun, Rossiya 2017 yilda O‘zbekistonga 109 ming tonna shakar jo‘natdi.