JCh-2018. Salohsiz o‘ynagan Misr Urugvayga yutqazdi

Rossiyada jahon chempionati o‘yinlari davom etmoqda.

«A» guruhida Misr va Urugvay terma jamoalari bellashdi. Keskin kurashlarga boy tarzda o‘tgan bahsning so‘nggi daqiqalarigacha tabloda nollar saqlanib turdi. 

Biroq, 90-daqiqada urugvayliklar g‘alaba to‘pini kiritishga muvaffaq bo‘lishdi. O‘ng qanotdan jarima maydoniga yetkazilgan to‘pni himoyachi Ximenes raqib darvozasiga aniq yo‘lladi.

Misr terma jamoasi hujumchisi Muhammad Saloh bu o‘yinda maydonga tushirilmadi.

Natijada, dastlabki turdan so‘ng, «A» guruhida Rossiya va Urugvay 3 ochko bilan peshqadamlikni qo‘lga kiritishdi. 

JCh-2018. «A» guruhi
Misr – Urugvay - 0:1 
15 iyun, «Yekaterinburg-Arena» 
Gol: 0:1 – 90 Ximenes. 
Misr – El-Shenavi, Jabr, Abdel-Shafiy, Fatxiy, Xijoziy, El-Nenni, Xamid (Mursiy, 50), El-Said, Uarda (Subxiy, 82), Trezege, Muxsin (Qaxrabo, 63).
Urugvay – Muslera, Ximenes, Kaseres, Varela, Godin, Nandes (Sanches, 58), Bentankur, Vesino (Torreyra, 87), de Arraskaeta (Rodriges, 59), Suares, Kavani.