Foto: Ghulamullah Habibi/EPA
Afg‘onistonning Pokiston bilan chegaradosh Nangarhor viloyatida 17 iyunda sodir etilgan portlash oqibatida kamida 18 kishi halok bo‘ldi. Bu haqda mahalliy hukumatga iqtibos keltirgan holda Aljazeera telekanali ma'lum qildi.
Portlash oqibatida 49 kishi jarohat olgan. Viloyat vakilining aytishicha, ulardan ko‘pchiligi og‘ir ahvolda.
Ushbu portlash viloyat markazi Jalolobodda yarashuv munosabati bilan “Tolibon” va afg‘on harbiylari yig‘ilishida sodir etilgan portlashdan keyin bir kun o‘tib amalga oshirilgan. 16 iyundagi portlashda 36 kishi halok bo‘lgandi. Ushbu portlash uchun javobgarlikni IShID o‘z zimmasiga olgan.
