Афғонистоннинг Покистон билан чегарадош Нангарҳор вилоятида 17 июнда содир этилган портлаш оқибатида камида 18 киши ҳалок бўлди. Бу ҳақда маҳаллий ҳукуматга иқтибос келтирган ҳолда Aljazeera телеканали маълум қилди.
Портлаш оқибатида 49 киши жароҳат олган. Вилоят вакилининг айтишича, улардан кўпчилиги оғир аҳволда.
Ушбу портлаш вилоят маркази Жалолободда ярашув муносабати билан “Толибон” ва афғон ҳарбийлари йиғилишида содир этилган портлашдан кейин бир кун ўтиб амалга оширилган. 16 июндаги портлашда 36 киши ҳалок бўлганди. Ушбу портлаш учун жавобгарликни ИШИД ўз зиммасига олган.