Xitoyda erkak maktab o‘quvchilariga hujum qildi

Xitoyning Shanxayidagi maktablardan birida pichoq bilan qurollangan erkak o‘quvchilarga hujum qildi. Oqibatda 2 bola halok bo‘lgan. Voqea 28 iyunda mahalliy vaqt bilan soat 11.30larda yuz bergan, deb xabar bermoqda Reuters axborot agentligi. 

Ta'kidlanishicha, 29 yoshli erkak oshxona pichog‘i bilan 3 o‘quvchi va bir ayolga hujum qilgan. Ikki bola shifoxonada vafot etgan, yana bir o‘quvchi va ayolning hayoti xavf ostida emas.

Erkak voqea joyida qo‘lga olingan, tergov olib borilmoqda.