Toshkent viloyati IIB yosh tergovchi va surishtiruvchilarni o‘z safiga qabul qildi

Ichki ishlar vazirligi Akademiyasini tamomlagan 16 nafar bitiruvchi Toshkent viloyati IIB huzuridagi Tergov bo‘limlarining tergovchi va surishtiruvchi lavozimlariga tayinlandi. Viloyat IIB matbuot xizmati shu haqida xabar berdi.

Yosh xodimlarga tergov jarayonida zarur bo‘ladigan barcha ish qurollari - kompyuter jamlanmasi, xizmat daftarlari, tergovchi maxsus sumkasi, amaliy qo‘llanma va eslatmalar, jinoyat, jinoyat protsessual va ma'muriy kodekslar xamda kantselyariya anjomlari topshirildi.

Toshkent viloyati IIB boshlig‘i polkovnik A.A.Allamurodov yosh xodimlarning ishga qabul qilinganini rasman e'lon qildi hamda ularning boshlanayotgan mehnat faoliyatida omad tiladi.

O‘tkazilgan tadbirda yangi lavozimga tayinlangan tergovchi va surishtiruvchilar xamda ularning ota-onalari so‘zga chiqib, yoshlarni ko‘llab-quvvatlaganliklari va ularning ilk qadamlaridanoq barcha kerakli anjomlar bilan ta'minlaganliklari uchun Ichki ishlar boshqarmasi rahbariyatiga minnatdorchilik bildirishdi.