Xitoyning Xunan viloyatida avtobus va yuk mashinasining to‘qnashuvi oqibatida 18 kishi halok bo‘ldi, 14 kishi jarohat oldi.
Viloyat yo‘l politsiyasi ma'lumotlariga ko‘ra, yo‘l transport hodisasi 29 iyunda mahalliy vaqt bilan soat 20.40da Xendun uyezdidagi trassada yuz bergan. Ma'lum qilinishicha, avtobus yo‘l o‘rtasidagi ajratuvchi to‘siq ustiga chiqib ketib, qarama-qarshi yo‘nalishdan kelayotgan yuk mashinasi bilan to‘qnashib ketgan.
Voqea joyida favqulodda xizmatlar ish olib borishgan, yo‘l transport hodisasi sababi aniqlashtirilmoqda.
