Foto: Zhou Wenqing
Xitoyning janubi-g‘arbida joylashgan Fantszinshan tog‘i YuNeSKO Butunjahon merosining tabiiy obektlar ro‘yxatiga kiritildi. Bu haqdagi qaror Butunjahon merosi qo‘mitasining Baxraynda o‘tgan 42-yig‘ilishida qabul qilindi.
Fantszishan Guychjou viloyatidagi Ulin tog‘ tizmasidagi eng yuqori cho‘qqi hisoblanadi. Tog‘ tizmasining dengiz sathidan balandligi 500 metrdan 2,572 ming metrgachani tashkil qiladi.
Ta'kidlanishicha, bu joy ko‘plab o‘simliklar va jonzotlarning kelib chiqish joyi hisoblanadi. Hududda noyob turdagi o‘simliklar o‘sadi va yo‘qolib ketish xavfi ostida bo‘lgan jonzotlar yashaydi.
Tog‘ 2013 yilda Xitoyning tabiiy merosi ro‘yxatiga kiritilgan va shundan keyin YuNeSKO ro‘yxatiga kiritilish uchun da'vogar sifatida ilgari surilgan.
