Meksikada yuk mashinasi va mikroavtobusning to‘qnashuvi 13 kishining o‘limiga sabab bo‘ldi

Meksikada yo‘lovchi mikroavtobusining yuk mashinasiga urilishi oqibatida 13 kishi halok bo‘ldi. Bu haqda 21 iyulda Milenio ma'lum qildi. 

Yo‘l-transport hodisasi Mexiko-Pachuka trassaning 17-kilometrida sodir bo‘lgan.

Dastlabki ma'lumotlarga ko‘ra, mikroavtobusning tormozi ishlamay qolgani sababli u katta tezlikda yo‘l chetida turgan yuk mashinasiga borib urilgan. 

YTH oqibatida voqea joyida 12 kishi, shifoxonada yana bir kishi halok bo‘lgan.