Eron AQShga javob choralari qo‘llashga tayyorligini eslatdi

Eron TIV vakili Bahrom Qosimiyning ma'lum qilishicha, Eron AQSh mamlakatdan neft eksportini bloklab qo‘ysa, javob choralarini ko‘radi. Bu haqda IRNA agentligi xabar qilmoqda.

«Agarda AQSh bu yo‘nalishda jiddiy harakatlarni amalga oshirmoqchi bo‘lsa, unda Eronning qat'iy qarshiligi bilan to‘qnash keladi», - deya aytib o‘tdi Qosimiy.

Eslatib o‘tamiz, avvalroq AQSh davlat kotibi Mayk Pompeo Vashington Eron neftini import qiluvchi davlatlar bilan ishlashda davom etayotganini aytgandi. Qayd etilishicha, bu ularni xomashyo xarididan voz kechishga ko‘ndirish maqsadida qilinyapti.