Xorijiy davlatlar rahbarlari Shavkat Mirziyoyevni tug‘ilgan kuni bilan tabrikladi

Xorijiy davlatlar rahbarlari prezident Shavkat Mirziyoyevni tug‘ilgan kuni munosabati bilan tabrikladi. Bu haqda davlat rahbari matbuot kotibi Komil Allamjonov Facebook’dagi sahifasida xabar berdi.

Bugun, 24 iyul kuni Rossiya prezidenti Vladimir Putin, Turkmaniston prezidenti Gurbanguli Berdimuhamedov, Qozog‘iston prezidenti Nursulton Nazarboyev, Tojikiston prezidenti Imomali Rahmon, Qirg‘iziston prezidenti Sooronbay Jeenbekov, Turkiya prezidenti Rajab Toyyib Erdo‘g‘an O‘zbekiston rahbariga telefon qilib, eng ezgu tilaklarini bildirdi. 

Shuningdek, Xitoy raisi Si Tszinpin, Koreya prezidenti Mun Chje In, Ozarboyjon prezidenti Ilhom Aliyev, Belarus prezidenti Aleksandr Lukashenko, Armaniston prezidenti Armen Sarkisyan, Ukraina prezidenti Pyotr Poroshenko va boshqalar tabrik yo‘lladi.