Mazkur qurilish O‘zbekiston iqtisodiyoti va sanoatining rivojlanishiga turtki beradi.
Turkiya Qurilish pudratchilari konfederatsiyasi (İMKON) Toshkentda zamonaviy turar-joy majmuasi qurishni taklif qildi. Bunday majmualarni O‘zbekiston poytaxtining 11 tumanida qurish rejalashtirilgan.
Bu haqda İMKON rahbari Tohir Tellio‘g‘li va konfederatsiya bosh kotibi Aladin Chaqir xabar berdi.
Ularga ko‘ra, İMKON tashqi bozorlarga kirish uchun barcha narsani qilishda davom etmoqda.
«Toshkentdagi uylarning deyarli yarmi 70 yil avval qurilgan, shahar rekonstruksiyaga muhtoj. Keyingi 10 yil ichida Toshkentda 500 mingga yaqin yangi uy-joy va ijtimoiy obektlar qurish rejalashtirilgan. Mazkur qurilish O‘zbekiston iqtisodiyoti va sanoatining rivojlanishiga turtki bo‘ladi. Turk quruvchilari bu vazifani bajarish uchun zarur tajriba va imkoniyatlarga ega», - dedi IMKON vakillari.
