O‘zbekiston va Qozog‘iston yangi avtobus qatnovini yo‘lga qo‘ydi

Illyustrativ foto/Avto-Millenium

O‘zbekiston va Qozog‘iston Toshkent - Qizilo‘rda - Toshkent yo‘nalishi bo‘yicha yangi xalqaro avtobus reysini yo‘lga qo‘ydi, deya xabar beradi «O‘zavtotrans» agentligi.

Ma'lumotlarga ko‘ra, avtobuslar «G‘isht ko‘prik» (O‘zbekiston) va «Jibek Joli» (Qozog‘iston) nazorat-o‘tkazish punktlari orqali chegarani kesib o‘tadi.

Reysning yakuniy punktlariga «Toshkent» (O‘zbekiston) va «Saltanat» (Qozog‘iston) avtobus vokzallari aylanadi.

Ta'kidlanishicha, yo‘nalish masofasi 583 kilometrni, safar vaqti - 10 soat-u 30 daqiqani tashkil etadi.