AQSh va YeI muzokaralar vaqtida yangi bojlar joriy etilmasligiga kelishib oldi

Yevropa ittifoqi davlatlari va AQSh vakillari tomonlar o‘rtasida savdo bo‘yicha muzokaralar ketayotgan paytda yangi bojlar joriy etishni to‘xtatib turish haqida kelishib oldi. Bu haqda RIA «Novosti» Yevrokomissiya rahbari Jan-Klod Yunkerga asosan xabar qilmoqda.

«Bugun AQSh prezidenti Donald Tramp bilan po‘lat va alyuminiyga bojlar bo‘yicha choralarni kerakli vaqtda qayta baholash lozimligiga kelishib oldik», - dedi Yunker.

Uning ta'kidlashicha, savdo to‘siqlari milliy manfaatlarni himoya qilmaydi, balki iqtisodiy xavfsizlikka ziyon yetkazadi. Yunker avtomobillar uchun ehtiyot qismlariga 20 foizlik bojni misol tariqasida keltirgan: agarda AQSh tegishli bojni joriy etishga qaror qilganida va YeI vakillari shunday chora bilan javob qaytarganida, unda Qo‘shma Shtatlar YaIM yiliga 50 mlrd dollar yo‘qotgan bo‘lardi.

«Biz muzokaralar olib borilayotgan vaqtda yangi bojlar joriy etilmasligiga kelishib oldik», - deya xulosa qilgan Yunker.