Bugun, 31 iyul kuni Toshkent axborot texnologiyalari universitetining Farg‘ona filiali majlislar zalida viloyat imom-xatiblarining navbatdan tashqari yig‘ilishi bo‘lib o‘tdi. Unda O‘zbekiston musulmonlari idorasi raisi o‘rinbosari shayx Abdulaziz Mansur qatnashdi.
Yig‘ilishda tashkiliy masala ko‘rildi. O‘zbekiston musulmonlari idorasining Farg‘ona viloyati vakili vazifasini vaqtincha bajaruvchi etib tayinlangan Abdullayev Ubaydullo o‘z arizasiga binoan egallab turgan vazifasidan ozod etildi.
Toshloq tumani “Abu Hanifa” masjidi imom-xatibi vazifasida ishlab kelayotgan Qodirov Salimjon O‘zbekiston musulmonlari idorasining Farg‘ona viloyati vakili, viloyat bosh imom-xatibi etib tayinlandi.
