Xitoy hukumati «vaksina xavfsizligi» mojarosiga aralashib qolgan yakka tartibdagi shaxslar va firmalarga nisbatan qattiq jazo belgilanishini ma'lum qildi. Bu haqda Reuters xabar bermoqda.
Ma'lum qilinishicha, hukumat allaqachon ushbu mojaro markazida turgan vaksina ishlab chiqaruvchi Chansheng Biotexnologiyalar kompaniyasining 18 nafar xodimini hibsga olish to‘g‘risida buyruq chiqargan. Ular orasida kompaniya rahbari Gao Chunfang ham bor.
Gap shundaki, kompaniya laboratoriya ma'lumotlarini soxtalashtirish hamda samarasi yo‘q vaksinalarni sotishga urinishda ayblanmoqda. Shuningdek, kompaniya voyaga yetmaganlar uchun ishlab chiqarilayotgan psixikani tinchlantiruvchi vaksinani ham tayyorlashda soxtakorlikka yo‘l qo‘ygan bo‘lishi mumkin.
Bolalardagi difteriya, ko‘k yo‘tal va tetanus kabi kasalliklarga qarshi ishlatilayotgan vaksinaning 252,600 donasi sotuvga chiqarilgan aniqlandi. Ayni paytda ayblanuvchilarga nisbatan tergov ishi davom etmoqda.
Hukumat rasmiy xabariga ko‘ra, kompaniya aybi isbotlansa, xodimlarning barchasi jinoiy javobgarlikdan tashqari, bir umrga farmatsevtika sohasida ishlash huquqidan ham mahrum etiladi.
