Qashqadaryoda singillarini urib tan jarohati yetkazgan aka qo‘lga olindi

29 iyul kuni Qashqadaryo viloyatining Koson tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, shu tumanda yashovchi A.B. uyida oilaviy janjal oqibatida birga yashovchi singillari 29 yoshli F.B. va 25 yoshli B.N.ning bosh va tanalari turli joylariga obdasta bilan urib tan jarohati yetkazgan.

Natijada opa-singillar kasalxonaga yotqizilib, A.B. ushlangan.