Koreya Respublikasining Ewha Womans University gospitali 27 nafar malakali terapevt, urolog, dermatolog, pediatr, ginekolog, laborant, farmatsevt shifokorlari, tibbiyot hamshiralari va tibbiyot xodimlari 2-4 avgust kunlari aholini chuqurlashtirilgan tibbiy ko‘rikdan o‘tkazish maqsadida Andijon viloyat ko‘ptarmoqli tibbiyot markaziga tashrif buyurishdi.
“Sog`lom avlod uchun” fondi bir qator xalqaro hamkor tashkilotlar bilan birgalikda hukumatimiz qarorlari hamda Davlat dasturlari ijrosini ta'minlash, bemor va nogiron bolalarni sog‘lomlashtirish maqsadida ana shunday loyihalarni amalga oshirib kelmoqda.
Tashrif davomida koreyalik mutaxassislar Andijon davlat tibbiyot instituti faoliyati bilan ham yaqindan tanishib, tibbiyot sohasidagi bilimlarini chuqurlashtirish maqsadida o‘zaro fikrlar almashishadi.Viloyat sog‘liqni saqlash boshqarmasi tomonidan mutaxassislarga barcha shart-sharoit yaratib berilgan. Birinchi kunning o‘zida horij shifokorlari 100 nafarga yaqin bemorlarni ko‘rikdan o‘tkazdilar. Tibbiy ko‘rikdan o‘tgan bemorlarga dori-darmon va sanitariya-gigiyena vositalarini bepul tarqatilmoqda.
Elmurod Ermatov, Andijon
KUN.UZ muxbiri