Oq uy Tesla Xitoyda zavod qurmoqchi ekanligi haqidagi xabarlardan so‘ng AQSh kompaniyalariga murojaat qildi

Oq uy Tesla kompaniyasining Xitoyda zavod qurishni rejalashtirgani haqidagi xabarlarni izohlamaydi, ammo Amerika kompaniyalarini AQShga investitsiya kiritishga chaqiradi.

"Biz barcha Amerika kompaniyalar shu yerda investitsiya kiritishlarini istardik. Men Tesla haqida gapiryapman, ammo barcha kompaniyalarni shu yerda, Amerikada zavod qurishga, shu yerda investitsiya kiritishga chaqiramiz", — dedi AQSh prezidentining matbuot kotibi Sara Sanders.

U Xitoyni yana bir bor halol bo‘lmagan savdoda aybladi va AQSh kompaniyalarini "bunday mamlakatlar bilan nosog‘lom hamkorlik" qilmaslikka chaqirdi.

Avvalroq Blumberg agentligi Amerikaning Tesla kompaniyasi Xitoyda  zavod qurish uchun besh milliard dollar ajratishni rejalashtirayotganini ma'lum qilgandi.

Iyul o‘rtalarida OAV Tesla Shanxay hukumati bilan bu shaharda yiliga 500 mingtagacha avtomobil ishlab chiqaradigan zavod qurish bo‘yicha kelishuv imzolaganini xabar qildi. Ma'lumotlarga ko‘ra, Tesla 2020 yildan Shanxay yaqinida Model 3 elektromobillarini chiqarishi kutilmoqda.