Shifokorlar va provizorlar faoliyatini yakka tartibda litsenziyalash tizimi joriy etiladi

O‘zbekistonda shifokorlar va provizorlar faoliyatini yakka tartibda litsenziyalash tizimi joriy etiladi. 

Bu haqda prezidentning “O‘zbekiston Respublikasida sog‘liqni saqlashni boshqarishning innovatsion modelini joriy etish chora-tadbirlari to‘g‘risida”gi qarorida aytilgan.

Qayd etilishicha, O‘zbekiston Respublikasi prezidenti devonining Islohotlarni huquqiy ta'minlash va huquqni muhofaza qilish faoliyatini muvofiqlashtirish xizmati 2018 yil yakunlariga ko‘ra Innovatsion sog‘liqni saqlash milliy palatasi faoliyatining samaradorligini o‘rganadi hamda 2019 yil 1 fevralga qadar muddatda uning faoliyatini yanada takomillashtirish, shuningdek, shifokorlar va provizorlar faoliyatini yakka tartibda litsenziyalash tizimini joriy etish bo‘yicha takliflar kiritadi.