Qashqadaryoda yuz bergan yong‘in sabab 7 yoshli qiz halok bo‘ldi

8 avgust kuni Qashqadaryo viloyatining Shahrisabz tumanida yashovchi E.H.ning uyi hovlisida joylashgan somonxonasida yong‘in sodir bo‘lgan.  

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, ko‘rilgan choralar natijasida yong‘in soat 18.30da o‘chirilgan. Yong‘in oqibatida somonxonaning 24 kv. metr maydoni yonib zarar ko‘rgan.

Yong‘in o‘chirish vaqtida N.A.ning birga yashagan nabirasining kuygan holdagi jasadi topilgan.

Yong‘in kelib chiqish sababi va keltirilgan moddiy zarar miqdori aniqlanmoqda. Surishtiruv ishlari olib borilmoqda.