Apelsin haqida 18 ta qiziqarli fakt

Oramizda apelsinni biror marta iste'mol qilmagan odam bo‘lmasa kerak. Endi uning nafaqat ta'mini, balki unga oid qiziqarli faktlarni bilish vaqti keldi.

Apelsin bu - gesperid rezavor meva turlaridan (teri bilan qoplangan rezavor meva) biri.
Nordon apelsin taxminan 10 asrda Yevropa hududiga portugaliyalik dengizchilar, shirini esa 15 asrda genuyalik savdogarlar tomonidan keltirilgan.
Dunyoda yetishtiriladigan jami apelsinlarning deyarli 20 foizi meva holida sotiladi va iste'mol qilinadi. Qolgan qismi esa sharbat, ekstrakt va konservalar ishlab chiqarishga ketadi.
Apelsin daraxti yuz yilgacha umr ko‘rishi mumkin.
Apelsinning «Vashington Navel» navida danaklar bo‘lmaydi, shuning uchun changlantirish yo‘li bilan ko‘paymaydi, faqat payvandlash orqali amalga oshiriladi.
Bitta sitrus daraxtning 60 ming donagacha guli bo‘lishi mumkin, biroq bor-yo‘g‘i 1 foizidagina mevalar yetiladi.
Apelsinning «Valensiya» navi bu mevaning dunyoda eng ko‘p tarqalgan navi sanaladi.
Apelsinlar hosildorlik ramzi sanaladi. Doimo yashil tusdagi ushbu daraxt bir vaqtning o‘zida gullaydi, meva tugadi va barglarini to‘kadi.
Bir dona apelsinda mavjud kletchatkaga ega bo‘lish uchun yetti likopcha makkajo‘xori bodroqlarini iste'mol qilish kerak.
Dunyoda shokolad va vanildan keyin apelsin hidi eng yoqimli hid deya tan olingan.
Apelsin – dunyoda eng keng tarqalgan sitrus.
Apelsin daraxtlari ilk bor Xitoyda yetishtirilgan.
Statistika bo‘yicha odam har yili taxminan 5,5 kg sitrus iste'mol qiladi, shuning katta qismini apelsinlar tashkil etadi.
18 asrda britaniyalik dengizchilar dengiz kasalligiga chalinmaslik uchun o‘zlari bilan kemaga karamdan tashqari, apelsin ham olishgan.
Bir dona apelsin tarkibida S vitaminining kunlik normasi mavjud.
Bir dona apelsin danagidan bir nechta daraxt o‘sishi mumkin.
Ko‘pgina madaniyatlarda apelsin daraxti va uning mevalari muhabbat ramzi sanaladi. Rennesans davri suratlarida rassomlar sevishgan juftlikni apelsin daraxtlari orasida turgan holda tasvirlaganlar.