Qashqadaryodagi uyga o‘g‘irlikka tushgan shaxslarning orasida ayol kishi va maktab o‘quvchisi borligi aniqlandi

2018 yil 26 iyun kuni Qashqadaryo viloyatining Koson tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, shu tumanda yashovchi fuqaro B.Q. IIBga murojaat qilib, unda shu yil 26 iyun soat 11.00 dan 21.30 gacha bo‘lgan vaqt oralig‘ida noma'lum shaxs uning uyiga devor oshish yo‘li bilan kirib, xonasidagi pullari va zargarlik buyumlarini o‘g‘irlab ketganligini ma'lum qilgan.

Ko‘rilgan choralar natijasida ushbu jinoyatni Koson tumanida yashovchi 39 yoshli S.D. ismli ayol, Regzor mahallasida yashovchi ukasi G‘.D. va Do‘stlik mahallasida yashovchi o‘rta maktabning 8-sinf o‘quvchisi S.E. sodir etganliklari aniqlanib ushlanganlar.