Jyerar Pike endi Ispaniya terma jamoasi tarkibida o‘ynamaydi

«Barselona» himoyachisi Jyerar Pike xalqaro faoliyatini yakunlaganini e'lon qildi.

«Luis Enrike bilan bir hafta oldin gaplashdim va bir qarorga kelganimni aytdim. Bu juda zo‘r tarix bo‘ldi, ammo, endi e'tiborimni «Barselona»ga qarataman. Klubda qanchalik ko‘p qolsam, shunchalik yaxshi», – deb 31 yoshli kataloniyalik so‘zlarini keltirmoqda AS.

Pike Ispaniya terma jamoasi tarkibida 2009 yilda, Angliyaga (2:0) qarshi o‘rtoqlik o‘yinida debyut qilgan. Shu paytgacha u 102ta o‘yinda maydonga tushib, 5ta gol urgan. Bu o‘yinlarda 73ta g‘alaba va 15ta durangga erishib, 14 marta yutqazgan. JCh-2010 va Yevro-2012 musobaqasida g‘alaba qozongan.