Ilon Mask Saudiya Arabistoni bilan Tesla aksiyalarini sotish bo‘yicha muzokara o‘tkazayotganini tasdiqladi

Tesla kompaniyasi asoschisi Ilon Mask o‘zining rasmiy blogida Tesla aksiyalari sotilishi bo‘yicha Saudiya Arabistoni bilan muzokara olib borayotgani haqidagi xabarlarni tasdiqladi.

«Men Saudiya jamg‘armasi hamda bir nechta boshqa investorlar bilan muzokara olib bormoqdaman, Tesla keng investorlar bazasiga ega bo‘lishini har doim xohlaganman», — deb yozdi Mask.

Mask shuningdek, mustaqil qo‘mitaga batafsil taklifni taqdim etgunga qadar barcha muzokaralarni yakuniga yetkazishni zarur deb hisoblashini ta'kidladi.  

Avvalroq Bloomberg Saudiya Arabistonining suveren jamg‘armasi Tesla aksiyalarini sotib olish bo‘yicha kompaniya rahbariyati bilan muzokara olib borayotganini xabar qilgandi.