Qobuldagi ta'lim muassasasida xudkush uyushtirgan portlashda 40dan ortiq kishi halok bo‘ldi

Afg‘oniston poytaxti g‘arbida amalga oshirilgan portlash natijasida kamida 48 kishi qurbon bo‘ldi, 67 kishi jarohatlandi. Bu haqda shifokorlarga tayanib Reuters xabar berdi.

Xudkush terrorchi Dashti-Barchi tumanidagi ta'lim muassasasiga bostirib kirgan va portlash sodir etgan. Halok bo‘lganlarning deyarli barchasi talabalar. Guvohlarning so‘zlariga ko‘ra, hodisa yuz bergan joyda yuzga yaqin kishi bo‘lgan.

Afg‘oniston prezidenti Ashraf G‘ani ushbu hujumni qoraladi va tergov ishlari o‘tkazishga buyruq berdi.

"Tolibon" harakati mazkur teraktga aloqador emasligini bildirdi, deb xabar bermoqda Pajhwok agentligi.