Hindiston sobiq bosh vaziri vafot etdi

Hindiston sobiq bosh vaziri Atal Bixari Vajpai 93 yoshida vafot etdi. Bu haqda The Times of India xabar bermoqda.

Nashr ma'lumotlariga ko‘ra, Vajpai 11 iyul kuni buyrak va bronxial kasalliklar bilan kasalxonaga yotqizilgan.

Ta'kidlanishicha, Hindiston sobiq bosh vazirining ahvoli kasalxonaga yotqizilganidan so‘ng keskin yomonlashgan.

Hindistonning hozirgi bosh vaziri Narendra Modi tvitterda Vajpai o‘limiga o‘z munosabatini bildirdi.

Uning so‘zlariga ko‘ra, Vajpaining o‘limi «butun boshli davrning oxirini belgilaydi».

Atal Bixari Vajpai Hindiston hukumatini ikki marta - 1996 may-iyun oylarida, shuningdek, 1998 yil martidan 2004 yil mayiga qadar boshqargan.