CNN: Yamandagi bolalar avtobusiga hujumda Amerika bombasidan foydalanilgan

Yamanda ichida bolalar bo‘lgan avtobusga hujum paytida AQShning MK 82 aviatsiya bombasidan foydalanilgan. Bu haqda CNN manbaga asosan xabar berdi.

Telekanal ma'lumotlariga ko‘ra, MK 82 Saudiya Arabistoni boshchiligidagi arab koalitsiyasining harbiy havo kuchlari tomonidan qo‘llanilgan.

Ta'kidlanishicha, Amerika Qo‘shma Shtatlarida Saudiya Arabistoniga shu kabi qurollarni yetkazib berish 2017 yil martigacha taqiqlangan edi.

Shu bilan birga, taqiqni AQShning sobiq prezidenti Barak Obama 2016 yilda joriy etgan, Qo‘shma Shtatlarning hozirgi yetakchisi Donald Tramp esa uni bekor qilgan.