Foto: Mirziyoyev va Rahmon Afrosiyob muzeyida bo‘ldi

Shavkat Mirziyoyev va Imomali Rahmon Afrosiyob muzeyida bo‘ldi, deb xabar qilmoqda davlat rahbari matbuot xizmati.

Afrosiyob mo‘g‘ullar istilosigacha gullab-yashnagan qadimiy qal'adir. Muzeyda ushbu shaharning miloddan avvalgi birinchi ming yillikning o‘rtalaridan XIII asrning boshlarigacha bo‘lgan tarixini yorituvchi eksponatlar namoyish etilgan. 

Imomali Rahmonga Afrosiyob qal'asi va muzeydagi eksponatlar tarixi, Samarqandning qadimiy o‘tmishi haqida ma'lumot berildi.