Qozog‘iston prezidenti dastxati sotuvga qo‘yildi

Olmaotaliklardan biri internetda Qozog‘iston prezidenti Nursulton Nazarboyevning dastxati sotilishi haqidagi e'lonni joylashtirdi. Nazarboyev 1997 yilda o‘z imzosini qo‘ygan bir varaq qog‘oz uchun 350 ming tanga, ya'ni ming dollarga yaqin pul so‘ralgan.

E'londa ta'kidlanishicha, Nazarboyev bu dastxatni 1997 yilda Olmaotaga tashrifi vaqtida do‘konlardan biriga kirganda ezgu niyatlar bildirgan holda qoldirgan. E'londa dastxatning haqiqiyligi kafolatlanishi, Nazarboyevning imzo qo‘yishi jarayoni suratlari mavjudligi aytilgan. 

Ayni vaqtda Nazarboyevning imzosi 1000 tangalik qiymatdagi kupyurada joylashtirilgan. Bundan tashqari, Olmaota va Ostonada sayyohlar tashrif buyuruvchi joylarda Elboshi kaftining bronza nusxasi o‘rnatilgan.