Barmoq izlari qotilni 21 yil ötib foş qildi. Ammo u sud zalidan ozod etildi

Buni qarangki, Inobat qabih niyatini amalga oşiriş maqsadida «fenazipam» psixotrop dorisini özi bozordan keltirgan tortga aralaştirib, kampirga yedirmoqçi böldi. Ammo Mariya xola negadir tort yeyişdan boş tortdi. Balki öşa damda uning köngli röy berajak qabihlikni sezgandir. Jinoiy şeriklar bu qabih reja amalga oşmagaç, yana qulay payt poylab turişdi. M.Şişkina oşxonaga kirganda esa, qöqqisdan unga hujum qilib, yerga yiqitişdi. Söng öta şafqatsizlik bilan ayolning boşi, kökrak qismi, yuz sohasi va boşqa hayoti uçun muhim bölgan a'zolariga ayovsiz zarba bera boşlaşdi. Bunga ham qanoatlanmay, u huşidan ketgaç, oyoq-qölini boğlab, oğzini soçiq bilan yopib, böğişadi.

Oqibatda köp ötmay Mariya Şişkina jon taslim qiladi.

Şundan söng qotillar xonadondan 3 dona gilam, billur guldon va qadahlar, «Madonna» çinni idişlari töplami va boşqa aşyolarni köçadan yollab kelingan maşinaga yuklab ketişadi. Keyin esa, ular bu buyumlarni noma'lum şaxslarga sotib, pulini özaro taqsimlab olişadi.

Lekin bu hali hammasi emasdi. Ular oradan bir oy ötib-ötmay, Mirzo Uluğbek tumani Bözbozor 9-tor köçasi, 17 a-uyda yolğiz yaşovçi, 70 yoşli Aleksandra Xryukinani ham qasddan öldirişdi. Ya'ni, Inobat dastlab uning uyiga avvalgidek, aldov yöli bilan ijaraçi sifatida kirib oladi.

— Xorazmdan katta miqdorda guruç olib kelganman. Turarga esa, joyim yöq. Rozi bölsangiz, har kunimga 300 sömdan tölayman, — deydi u.

I.Almatova şu tariqa uşbu xonadonga kirib olgaç, A.Xryukinaning işonçini qozonişga urinadi. Buni ança-munça uddalaydi ham.

Pirovardida 1996 yil 3 iyun kuni S. Sattorovni bozorda guruçni poylab yotgan turmuş örtoği sifatida taniştirib, unikida yuvinib olişiga ruxsat söraydi. Aleksandra xola izn bergaç, «xöjayini» uyga kiradi. Bu mahal A.Xryukinaning norasmiy eri P.Verbitskiy şifoxonada yotib davolanayotgan edi. Binobarin, «qahramon»imiz darhol S.Sattorovga imo-işora bilan buyruq beradi. Natijada A.Xryukinani xuddi M.Şişkinani öldirgani singari şafqatsizlik bilan öldirişadi. Biroq bu uydan heç narsa olib ketişolmaydi. Negaki, köçada qöşnilar ularga qarab turganidan şubhalanib, voqea joyidan yaşirinişadi.

Şuni alohida ta'kidlaş lozimki, oradan ikki yil ötsa ham Inobatning yuqoridagi jinoyatlari foş bölmaydi. U esa, bundan ğururlanib, juda katta miqdorda firibgarlikka qöl urdi. Bu qilmişi uçun sud uni 5 yil muddatga ozodlikdan mahrum etdi. Ammo amnistiya aktiga binoan 1 yildayoq muddatidan ilgari jazodan ozod qilindi. Keyin esa, 2000 yilda bosqinçilik, 2001 yilda yana firibgarlik jinoyatlarini sodir etadi.

Çunki har ikkala jinoyati ham amnistiya tufayli harakatdan tugatilgani öziga berilgan imkoniyat ekanligini I.Almatova his qilmadi.

Pirovardida 2004 yilda Jinoyat kodeksining 97-moddasi 2-qismi «j», «i», «o», «p», «r»-bandlari, 25,97-moddasi 2-qismi «a», «g», «j», «i», «o», «p», «r»-bandlari, 164-moddasi 4-qismi «a», «v»-bandlari, 273-moddasi 4-qismi «b»-bandi, 227-moddasi 2-qismi «a»-bandida nazarda tutilgan öta oğir jinoyatlarga qöl urib, 15 yil muddatga ozodlikdan mahrum qilinadi.

Jinoyat işlari böyiça Zangiota tuman sudining 2016 yil 3 maydagi ajrimiga muvofiq esa, tayinlangan jazo 13 yil 4 oy muddatga keltirilgan. Natijada, u jazo muddatini töliq ötab, 2016 yil 26 oktabr kuni ozodlikka çiqqan.

Buni qarangki, I. Almatova 2017 yilda biometrik pasport oliş uçun IIBga murojaat qilganida uning bundan 21 yil oldin sodir etgan öğirlik va qotillik jinoyatlari foş böldi.

Gap şundaki, biometrik pasport uçun suratga tuşiriş jarayonida fuqaroning barmoq izi ham olinib, elektron dasturga kiritiladi. Inobat Almatovaning barmoq izlari ana şunday dasturga kiritilgan ham ediki, jinoyat-qidiruv bölimi xodimlari tomonidan 1996 yilda ikki qotillik röy bergan joydan olingan hamda qidiruv e'lon qilingan barmoq izlari orasidan çiqib qoldi. Oqibatda I. Almatovaga nisbatan Jinoyat kodeksining 169-moddasi 4-qismi «a»-bandi, 97-moddasi 2-qismi «v», «j», «i», «p», «r»-bandlari, 164-moddasi 4-qismi «v»-bandi bilan jinoyat işi qözğatilib, 2017 yil 8 noyabrda ehtiyot çorasi sifatida qamoqqa olindi.

Yaqinda jinoyat işlari böyiça Toşkent şahar sudida uşbu jinoyat işi körib çiqildi va I.Almatova Jinoyat kodeksining yuqoridagi moddalari bilan aybdor deb topildi. Örni kelganda şuni qayd etiş kerakki, Jinoyat kodeksining 64-moddasi «g»-bandiga köra, öta oğir jinoyat sodir etilgan kundan boşlab, ön beş yil ötib ketgan bölsa, şaxs javobgarlikdan ozod qilinadi.

Mazkur holatda oradan 22 yil ötgani tufayli sud I.Almatovani Jinoyat kodeksining 169-moddasi 4-qismi «a»-bandi böyiça javobgarlikdan ozod qilişni lozim topdi. Jinoyat kodeksining 97-moddasi 2-qismi «v», «j», «i», «p», «r»-bandlari va 164-moddasi 4-qismi «v»-bandiga binoan jazolarni qisman qöşiş yöli bilan uzil-kesil 13 yil 3 oy muddatga ozodlikdan mahrum qiliş jazosi tayinladi. Tayinlangan jazo esa, ötgan yillardagi 12ta amnistiya aktlarining har biriga asosan törtdan bir qismiga qisqartirilib, aybdor sud zalidan ozod qilindi. Şuningdek, jabrlanuvçi G.Safarovaga öziga yetkazilgan moddiy va ma'naviy ziyon böyiça fuqarolik sudiga murojaat qiliş huquqi tuşuntirildi.

Bu mudhiş voqea haqida öylaganda, köngilda şunday fikr-mulohazalar tuğiladi: töğri, I.Almatova amnistiya aktlari va qonunçiligimizdagi bağrikenglikka asosan sud zalidan ozod qilindi. Biroq uni vijdon azobi va jabrdiyda marhumlar ruhi bir umrga ta'qib etmaydimi? U endi el-yurt oldida, taniş-bilişlar orasida qaysi yuz bilan yaşaydi?

Albatta, bayon etilgan voqea har bir yurtdoşimizga saboq bölişi şart.

Zero, qonun ustuvorligi ta'minlangan jamiyatimizda heç bir jinoyat jazosiz qolmaydi.

Muhtarama TURĞUNOVA,

jinoyat işlari böyiça Toşkent şahar sudining sudyasi