BMTning Iroq bo‘yicha yangi maxsus vakili tayinlandi

BMT bosh kotibi Antoniu Guterresh Niderlandiyaning sobiq mudofaa vaziri Janin Xennis-Plasshertni Iroq bo‘yicha maxsus vakili va Iroqqa yordam berish bo‘yicha missiyaning boshlig‘i qilib tayinladi. 

Xennis-Plasshert slovakiyalik Yan Kubishning o‘rnini egallaydi. 

Ta'kidlanishicha, Xennis-Plasshert siyosiy va diplomatik faoliyat bo‘yicha 20 yillik tajribaga ega. U 2012 yildan 2017 yilgacha Niderlandiya mudofaa vaziri bo‘lib faoliyat yuritgan va bu lavozimga tayinlangan ilk ayol bo‘lgan. Xennis-Plasshert bu lavozimida Niderlandiyaning Mali, Afg‘oniston va Iroqdagi harbiy harakatlaridagi ishtirokini nazorat qilgan, YeI, BMT, NATO va BMT hamkorlari bilan birga ishlagan.