Davlat xaridlari sohasidagi mutaxassislarni majburiy sertifikatlashtirish joriy etiladi

Bu 5.09.2018 yildagi «Korporativ, loyiha boshqaruvi va davlat xaridlari sohasida kadrlarni tayyorlash, qayta tayyorlash va ularning malakasini oshirish tizimini takomillashtirish bo‘yicha qo‘shimcha chora-tadbirlar to‘g‘risida»gi prezident qarorida nazarda tutilgan.

Norma’ning yozishicha, 2019 yil 1 martdan davlat xaridlari sohasidagi mutaxassislarni majburiy sertifikatlashtirish joriy qilinadi. 

Bu norma quyidagilarda faoliyat yurituvchi shaxslarga tatbiq etiladi:

• davlat va xo‘jalik boshqaruvi organlarida;
• mahalliy davlat hokimiyati organlarida;
• davlat korxonalari va ustav jamg‘armasi (kapitali)da davlat ulushi 50% va undan ko‘proq miqdorda bo‘lgan yuridik shaxslar;
• ustav jamg‘armasi (kapitali)ning 50%i va undan ko‘proq miqdori davlat ulushi 50% va undan ko‘proq bo‘lgan yuridik shaxsga tegishli yuridik shaxslarda.
 
Sertifikatlashtirish tizimi to‘g‘risidagi boshqa ma'lumotlar tegishli nizom tasdiqlangandan keyin ma'lum qilinadi.