Maduro BMT Bosh assambleyasi sessiyasida ishtirok etish uchun Nyu-Yorkka yetib keldi

Foto: REUTERS

Venesuela prezidenti Nikolas Maduro 26 sentabr ertalab BMT Bosh assambleyasining 73-sessiyasida ishtirok etish uchun Nyu-Yorkka yetib keldi.

“BMT Bosh assambleyasining sessiyasida ishtirok etish uchun Nyu-Yorkka qo‘nmoqdaman. Men haqiqatni himoya qilish uchun vatanim ehtirosi bilan to‘lgan holda, o‘z xalqim ovozini olib bormoqdaman”, deb yozgan Maduro tvitterda.

“Bugun Venesuela har qachongidan kuchlidir. Dunyo biz oyoqda tetik turganimizni bilishini istayman”, deb aytgan Maduro samolyot bortidan xalqiga videomurojaatida.

Avvalroq AQSh prezidenti Donald Tramp Bosh assambleya maydonlarida Maduro bilan uchrashishga tayyorligini ma'lum qilgandi.