11:37 / 02.10.2018
5385

Yaponiya hukumatining yangi tarkibi e'lon qilindi

Foto: REUTERS

Yaponiya vazirlar mahkamasi bosh kotibi Yosixide Suga hukumatning yangi tarkibini e'lon qildi. Bu haqda NHK telekanali xabar bermoqda.

Avvalroq, Yaponiyaning qayta saylangan bosh vaziri Sindzo Abe hukumatning iste'fosini qabul qilgani ma'lum bo‘lgandi.

Avvaldan taxmin qilinganidek, vazirlar mahkamasida 18 o‘rindan 12tasini yangi amaldorlar egalladi. Shu bilan birga, Abe asosiy vazirlarni, jumladan, Suguning o‘zini ishda qoldirdi.

Shuningdek, bosh vazir o‘rinbosari va moliya vaziri Taro Aso, tashqi ishlar vaziri Taro Kono hamda iqtisodiyot, sanoat va savdo vaziri lavozimlarida ishlaydigan Xirosige Seko o‘z pozitsiyalarini saqlab qolishdi.

Eslatib o‘tamiz, avvalroq Yaponiya hukumati iste'foga chiqqandi. Yaponiya hukumati to‘liq tarkibda yangi saylangan bosh vazir Sindzo Abe o‘zgarishlarni amalga oshirishi uchun iste'foga chiqqani xabar berilgandi

Top