Iroq prezidenti lavozimiga Kurdiston hukumatining sobiq rahbari saylandi

Foto: AP/ Hadi Mizban

Iroq parlamenti 2 oktabrdagi yig‘ilishda ikkinchi urinishda mamlakat prezidentini saylashga muvaffaq bo‘ldi. Iroqning yangi prezidenti Iroq Kurdistoni hukumatining sobiq rahbari Barhom Solih bo‘ldi.

Solihning nomzodini Kurdiston vatanparvarlik ittifoqi ilgari surgan. Solih 2009 yildan 2012 yilgacha Iroq Kurdistoni hukumati rahbari lavozimini egallagan.

Iroq prezidenti lavozimini qonunchilikka ko‘ra, kurd jamoasi vakili egallaydi.

Solih prezident sifatida parlamentdagi eng yirik koalitsiya safidan yangi bosh vazir lavozimiga nomzodni ilgarishi surishi kerak bo‘ladi.