Saudiya Arabistoni AQSh yordamisiz 2 hafta ham dosh bera olmaydi – Tramp

Saudiya Arabistoni qiroli Salmon Abdulaziz Ol-Saud AQSh ko‘rsatayotgan harbiy yordamsiz 2 hafta ham dosh bera olmaydi. Buni AQSh prezidenti Donald Tramp Missisipi shtatida tarafdorlari oldidagi nutqida aytib o‘tdi.

Tramp o‘z nutqida boshqa davlatlar o‘z hududlarida amerikalik harbiylar borligi uchun sarf-xarajatlarni qoplashlari zarurligini yana bir marta ta'kidlab o‘tgan.

«Saudiya Arabistoni boy, to‘g‘rimi? Menga qirol Salmon yoqadi, biroq unga «Qirol, biz sizni himoyalaymiz, agar biz bo‘lmaganimizda 2 hafta ham dosh berolmasdingiz. Siz qurolli kuchlarimizga haq to‘lashingiz kerak», deb aytdim», deya Trampning so‘zlarini keltirgan The New York Times.

Pentagon saytida ta'kidlanishicha, amerikalik harbiylar Saudiya Arabistoni poytaxti Ar-Riyodda joylashgan bo‘lib, mahalliy kuchlarni tayyorlash bilangina shug‘ullanadi.