So‘rovnoma: O‘zbekistonliklarning ko‘pchilik qismi Xabib Nurmagomedovga muxlislik qilishmoqda

Bugun, 7 oktabr kuni UFC’ning ikki vazn toifasidagi sobiq chempioni Konor Makgregor va yengil vazn toifasidagi chempion, rossiyalik Xabib Nurmagomedov UFC 229 musobaqasi doirasida o‘zaro jang qilmoqda.

«Tribuna» saytining telegram kanalida ushbu jang arafasida so‘rovnoma o‘tkazilib, respondentlardan qaysi sportchiga ishqibozlik qilishi so‘raldi.

12 mingga yaqin kishi ishtirok etgan so‘rovnoma yakunlariga ko‘ra, o‘zbekistonliklarning ko‘pchilik qismi rossiyalik sportchiga ishqibozlik qilishi ma'lum bo‘lgan. 9 mingdan ortiq o‘quvchi, ya'ni so‘rovnoma ishtirokchilarining 76 foizi Xabib Nurmagomedovga muxlislik qilishini bildirgan.

Irlandiyalik sportchini esa 2 mingga yaqin kishi, ya'ni so‘rovnoma ishtirokchilarining 18 foizi qo‘llab-quvvatlamoqda. 6 foiz kishi bu jangga befarqligini bildirgan.