Fransiyaning “eng mashhur mahbusi” ochlik e'lon qilgani ma'lum qilindi  

Matbuot tomonidan Fransiyaning “eng mashhur mahbusi” deb ataluvchi, bosqinchi- retsidivist Reduan Faid ochlik e'lon qildi. Bu haqda Figaro nashri ma'lum qilmoqda.   

Faid o‘tgan hafta qo‘lga olingan. U vyortolyot yordamida qamoqdan qochgandan keyin 3 oy qochoqlikda yurgan.

Mahbus ochlik e'lon qilishi haqida uning ishi bilan shug‘ullanayotgan tergovchini yozma ravishda ogohlantirgan. Nashr ma'lumotlariga ko‘ra, Faid unga yashirinishda yordam bergan tanishlari va birga yashagan ayoli ushlanganiga norozilik sifatida ochlik e'lon qilgan.  

Mahbus saqlanayotgan turma rahbariyati uning o‘ziga ziyon yetkazib qo‘ymasligi uchun barcha zaruriy choralarni ko‘rgan. Ma'lum qilinishicha, Faid yuqori xavfsizlik rejimi amal qiladigan bir kishilik kamerada kishanlangan holda saqlanmoqda.

Faid Parij yaqinidagi turmadan 1 iyulda qochishga muvaffaq bo‘lgan. U turmani Belgiyada ro‘yxatdan o‘tgan vertolyotda tark etgan. Keyinchalik vertolyot Parij yaqinidagi boshqa hududda yonib ketgan holda topilgan.

5 yil avval ham Faid turmadan qocha olgan. O‘shanda u turma devorini portlatib, bir necha qo‘riqchini garovga olishga muvaffaq bo‘lgan.