Qashqadaryoning Kitob tumanida gaz portlashi oqibatida 2 nafar yosh bola halok bo‘ldi

Qashqadaryo viloyati Favqulodda vaziyatlar boshqarmasidan olingan ma'lumotga asosan, joriy yilning 8 oktabr kuni soat 10:04larda Kitob tumani, “Istiqlol” MFY, Qashqadaryo ko‘chasi, 38-uyning (uy egasi 1947 y.t. A.Parmonov) oshxonasida gaz plitasining nosozligi sababli havo-gaz aralashmasining chaqnashi sodir bo‘lgan.

Chaqnash oqibatida oshxona shiftining 4 kvadrat metr maydoni yongan. Yong‘in oqibatida 2 nafar fuqaro jarohat olib, kasalxonada vafot etgan, bir nafar fuqaro kuyish tan jarohatlari bilan Kitob tumani tibbiyot birlashmasining shoshilinch tibbiy yordam bo‘limiga yotqizilgan.

Uy egasining nabiralari 5 yoshli Bellura Xomidova (2013 y.t., tanasi 100 foiz kuygan) va 
2 yoshli Farzona Xomidova (2016 y.t. 100 foiz kuygan) halok bo‘lgan.

Uy egasining kelini Baxtigul Jamolova (1991 y.t., tanasining 40-45 foizi kuygan) o‘rta og‘irlikda jarohat olgan.

Voqea yuzasidan tergov ishlari olib borilmoqda.