Bojxona xodimiga pora taklif qilgan shaxs qo‘lga olindi
Joriy yilning 3 oktabr kuni fuqaro A.N. 6 tonna rangli metallarning noqonuniy aylanmasi bilan shug‘ullanganligi sababli uning noqonuniy harakatlari bojxonachilar tomonidan fosh etiladi. Bu haqda Davlat bojxona qo‘mitasining Axborot xizmati xabar bermoqda.
Bunday vaziyatda A.N.ni og‘ir vaziyatdan qutqarib qolish, unga nisbatan to‘plangan hujjatlarni moddiy manfaat evaziga ijobiy hal qilib berish maqsadida T.I. ismli shaxs bojxona xodimiga pora taklif qilgan.
U o‘zining qing‘ir rejasini amalga oshirish maqsadida bojxonachini Namangan shahridagi “Zohidabonu” oshxonasiga taklif etadi.
T.I. ziyofat bahonasida bojxona xodimiga 500 AQSh dollari miqdorida pora berayotgan chog‘da bojxona organlarining mas'ul xodimlari hamda O‘zbekiston Respublikasi Bosh prokuraturasi xuzuridagi Iqtisodiy jinoyatlarga qarshi kurashish Departamentining Namangan viloyat boshqarmasi xodimlari tomonidan jinoyat ustida qo‘lga olindi.
Hozirda ushbu holat yuzasidan jinoyat ishi qo‘zg‘atilib, tergov harakatlari davom ettirilmoqda.
Mavzuga oid
19:53 / 16.09.2024
O‘zbekiston AQSh bilan bojxona sohasidagi hamkorlikka oid bitimni imzoladi
19:02 / 09.09.2024
Qashqadaryo va Jizzaxda pora olgan ekologiya va qurilish mutaxassislari ushlandi
20:33 / 29.08.2024
Moskva aeroportida radioaktiv haykalchani olib o‘tmoqchi bo‘lgan o‘zbekistonlik to‘xtatildi
18:13 / 22.08.2024