08:26 / 20.10.2018
11043

Tramp Qoshiqchi ishi bo‘yicha yangi ma'lumotlarga munosabat bildirdi

Foto: Getty Images

AQSh prezidenti Donald Tramp Saudiya Arabistoni Bosh prokuraturasining muxolif jurnalist Jamol Qoshiqchi vafot etgani haqidagi bayonotiga munosabat bildirdi. Bu haqda Reuters xabar qilmoqda.

Trampning so‘zlariga ko‘ra, Saudiya Arabistoni tomonidan berilgan izoh ishonchli, ammo jurnalistning o‘limi «qabul qilib bo‘lmas holat». Davlat rahbarining aniqlik kiritishicha, Ar-Riyodga qurol-yarog‘ yetkazib berishga oid bitimlardan voz kechishni mo‘ljallamayapti.

Tramp, shuningdek, Saudiya Arabistoni hukumati bilan Qoshiqchining o‘limiga oid yangi ma'lumotlarni muhokama qilishni va'da berdi. Shuningdek, uning ta'kidlashicha, tergovga uchinchi shaxslar jalb etilgan.

Eslatib o‘tamiz, avvalroq Saudiya valiahd shahzodasi jurnalistning o‘limiga aloqadorligi bo‘yicha dalillar ma'lum qilingandi.

Mavzu
Jamol Qoshiqchining o‘limi
The Washington Post nashri uchun ishlaydigan jurnalist Jamol Qoshiqchi 2 oktabr kuni Saudiya Arabistonining Istanbuldagi bosh konsulligi binosiga kirib ketgach, izsiz yo‘qoldi
Barchasi
Top