Illyustrativ foto
Buxoro shahrida shu yil 1 sentabr kuni Mustaqillik ko‘chasida yashovchi F.A. IIBga murojaat qilgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
Unda shu yil 23 avgustdan 31 avgustgacha bo‘lgan vaqt oralig‘ida noma'lum shaxslar uning uyiga ochiq qolgan eshigi orqali kirib, xonasidan ichida 750 ming so‘m puli, 1750 AQSh dollari va umumiy qiymati 20 mln. so‘mlik zargarlik buyumlarini o‘g‘irlab ketganliklarini ma'lum qilgan.
Holat yuzasidan jinoyat ishi qo‘zg‘atilgan. Ko‘rilgan choralar natijasida ushbu jinoyatni Navoiy shahrida yashovchi J.T. va A.K. sodir etganliklari aniqlanib, ushlanganlar.
Tergov davom etmoqda.
