OKMK – O‘zbekiston kubogi sohibi. «Paxtakor» taslim etilgan tarixiy finaldan fotoreportaj

Superligada quyi oltilikning uchinchi o‘rnida borayotgan OKMK klubi bugun Farg‘onada o‘tgan O‘zbekiston kubogi finalida «Paxtakor»ni mag‘lubiyatga uchratib, o‘z tarixida ilk marotaba ushbu sovrin sohibi bo‘ldi.

Uchrashuvda Toshkent klubining penaltidan kiritilgan yagona goliga Ismael Gonsalvesh mualliflik qilgan bo‘lsa, olmaliqliklar tarkibida jamoaning ushbu mavsumdagi to‘purari Yovan Jokich dubl qayd etdi; shuningdek, o‘yin asosiy vaqtining so‘nggi daqiqasida Zohir Pirimov ham o‘z nomini tabloga yozdirib qo‘ydi. Yakuniy hisob – 3:1.

Shu tariqa, «Paxtakor» tarkibida o‘ynagan yillari 3 karra O‘zbekiston kubogi g‘olibi bo‘lgan Baxtiyor Ashurmatov endi bosh murabbiy sifatida sobiq jamoasini turnir bosh sovrinidan mahrum etib, OKMKga ilk kubokni olib berdi. O‘yinni kuzatib borgan «Tribuna.uz» fotomuxbiri undagi eng asosiy lahzalarni raqamli xotiraga muhrlab qo‘ydi.