Qoraqalpog‘istonda yana bir mudhish YTH: 3 kishi halok bo‘ldi

Qoraqalpog‘iston Respublikasi Favqulodda vaziyatlar boshqarmasidan olingan ma'lumotga asosan, joriy yilning 28 oktabr kuni soat 21:30da Shumanay tumani hududidan o‘tuvchi A-380 «G‘uzor-Buxoro-Nukus-Beynau» avtomobil yo‘lining 817-km.da harakatlanib ketayotgan «Kobalt» rusumli avtomobil boshqaruvini yo‘qotib o‘ng tarafiga ag‘darilib, yo‘l-transport hodisasi sodir etgan.

FVV xabariga ko‘ra, YTH natijasida 3 nafar fuqaro vafot etgan va 1 nafar fuqaro tan jarohati olgan.

Jarohatlangan fuqaro Shumanay tumani markaziy kasalxonasiga yotqizilgan.

Sodir bo‘lgan YTH yuzasidan dastlabki tergovoldi tekshiruv ishlari olib borilmoqda.

Eslatib o‘tamiz, avvalroq Qoraqalpog‘istonda yuz bergan YTH oqibatida 5 nafar fuqaro halok bo‘lgandi.