Misrda yangi MiG-29M qiruvchi samolyoti halokatga uchradi

Misrda mashg‘ulot parvozi vaqtida MiG-29 qiruvchi samolyoti halokatga uchradi. Bu haqda birlashgan aviasozlik korporatsiyasi matbuot xizmatiga tayanib RIA Novosti xabar berdi.

"Bizda Misrda MiG-29M samolyoti halokatga uchragani haqida tezkor ma'lumot mavjud. Tez orada texnik mutaxassislarimiz voqeani tekshirish uchun Misrga yo‘l oladi", — deb ma'lum qilgan korporatsiya matbuot xizmati.

MiG-29 — Rossiyaning to‘rtinchi avlod qiruvchi samolyoti. U har qanday ob-havo sharoitida havoda bo‘lgan barcha turdagi nishonlarni hamda ko‘rish sharoiti mavjud hollarda yerdagi nishonlarni yo‘q qilishga mo‘ljallangan.