09:24 / 17.11.2018
20631

Argentinaning izsiz g‘oyib bo‘lgan suv osti kemasi yo‘qolgan joyda yirik obekt topildi

Foto: La Nacion

2017 yilda Argentinaning «San-Xuan» suv osti kemasi izsiz g‘oyib bo‘lgan hududda yirik o‘lchamdagi obekt topildi. Bu haqda La Nacion gazetasi mamlakat harbiy-dengiz kuchlariga asosan xabar tarqatdi.

Nashr ma'lumotlariga ko‘ra, topilmaning uzunligi taxminan 60 metr bo‘lib, 800 metrlik chuqurlikda joylashgan.

Ta'kidlanishicha, obekt Amerikaning Ocean Infinity kompaniyasi tomonidan topilgan, hozirda Seabed Constructor kemasi suv osti qurilmasi yordamida uni tekshirish uchun topilma joyiga yo‘l olmoqda.

Bortida 44 kishi bo‘lgan suv osti kemasi 2017 yil 15 noyabrda izsiz g‘oyib bo‘ldi. Kema hozirgacha topilmadi. Tergov ma'lumotlariga ko‘ra, suv osti kemasi bortida trotil ekvivalentida 100 kg.dan ortiqroq bo‘lgan kuchdagi portlash yuz bergan.

Mavzuga oid
Top